Şahin Zəkizadənin rəhmətə getdiyi klinikadan EKSKLÜZİV GÖRÜNTÜLƏR - VİDEO

21:53, 2017-02-16


Xəbər verdiyimiz kimi, xərçəng xəstəliyindən əziyyət çəkən rejissor Şahin Zəkizadə bu gün müalicə aldğı Tibb Universitetinin Tədris Terapevtik Klinikasında dünyasını dəyişib.

Publika.az xəbər verir ki, əməkdar artist Mehriban Xanlarova, prodüser Təranə Səmədova, Toma və big.az-ın əməkdaşı rejissorun vəfat etdiyi xəstəxanaya baş çəkib.

Şahin Zəkizadənin xalası oğlu Aqil Adiloğlunun verdiyi məlumata görə, Ş.Zəkizadənin dəfn mərasimi sabah təşkil olunacaq.

"Dəfn mərasimi sabah saat 12:00-da həyata keçiriləcək. Şahin günorta namazından sonra Maştağa Seyidlər məzarlığında torpağa tapşırılacaq".

A.Adiloğlu mərhum rejissorun xəstəliklə mübarizə apardığı o çətin günlərdən də danışıb:

" Şahin 6 gündür komada idi. Bu 6 gündə reanimasiyada saxlanıldı. Bu müddət ərzində bir dəfə də olsun yanına daxil olmamışam. Şahini o vəziyyətdə görməyə ürəyim tab gətirmirdi".

Mərhum rejissorun xalası oğlu mətbuatda Şahin Zəkizadənin ölüm xəbəri ilə bağlı yayılan dezinformasiyalara, rejissorun ölüm xəbərinin gizlədilməsində klinikanın günahlandırılmasına da münasibət bildirib:

"Tibb Universitetinin Tədris Terapevtik Klinikası Şahinin ölüm xəbərini gizlətməkdə ittiham edilir. Bunlar hamısı şayələrdir. Xəstəxananın bütün əməkdaşları, baş həkimdən tutmuş tibb bacısına kimi bütün heyət Şahinin səhhəti ilə həmişə maraqlanıb, ölüm xəbərini heç vaxt gizlətməyib. Yalan məlumatdır".



Загрузка...

Son xəbərlər



Copyright © 2015-2017 xebervar.com - Bütün hüquqlar Azərbaycan Respublikası qanunvericiliyinə əsasən qorunur.

Saytda yer alan informasiyadan istifadə etdikdə istinad mütləqdir.

Xəbər Uçurduruq

Sayt haqqında | Əlaqə