Lənkəranda qanvermə aksiyası keçiriləcək - Qan ver, yaşat!

11:01, 2017-01-12


Lənkəranda qana ehtiyacı olan xəstələrə yardım məqsədilə "Qan ver, yaşat!" adlı xeyriyyə aksiyası keçiriləcək.

Milli.Az xəbər verir ki, bu təşəbbüs rayonun bir qrup gənci tərəfindən irəli sürülüb və Mərkəzi Qan Bankının Lənkərandakı şöbəsi tərəfindən də dəstəklənib.

Aksiyanın təşəbbüsçülərindən olan Fərman Hüseyni Milli.Az-a bildirib ki, mütəmadi olaraq keçirilməsi planlaşdırılan aksiyalardan birincisi yanvar ayının 20-si, Milli Matəm Günündə keçiriləcək: "Bəzi kütləvi informasiya vasitələrində belə bir xəbər yayılıb ki, bu aksiya guya Mərkəzi Qan Bankının Lənkərandakı şöbəsindəki qan çatışmazlığı yarandığı üçün keçirilir. Əslində isə heç də belə deyil. Sadəcə, bu, gənclərimiz tərəfindən irəli sürülmüş təşəbbüsdür və məqsəd də insanlara, xəstələrə, xüsusən qana təcili ehtiyacı olanlara yardım etməkdir".

Onun sözlərinə görə, aksiya 20 yanvar saat 09:00-dan 17:00-dək Lənkəran şəhər MirMustafaxan küçəsi 9 ünvanında yerləşən İnkişaf Təhsil Mərkəzinin ofisində təşkil olunacaq. ("Qala" şadlıq evi və ARB TV-nin yanı) "Qan ver, yaşat" aksiyasına hər kəs qoşula bilərlər (Əlaqə nömrəsi: 0558966687).

Qan Bankında tədarük olunan qanlar komponentlərə ayrılaraq Mərkəzi Qan Bankının bazasına yerləşdiriləcək, daha sonra irsi qan xəstəliklərindən əziyyət çəkən insanlara, o cümlədən müxtəlif qəzalarda və cərrahiyyə əməliyyatlarında qan itirmiş şəxslərə köçürüləcək.

Xatırladaq ki, qan donoru olmağın insan sağlamlığına müsbət təsirləri çoxdur. Donor olmaqla insan həm öz sağlamlığının qayğısına qalmış, həm də qana ehtiyacı olan xəstələrin həyatını xilas etmiş olur.

Hər bir insan donor kimi hər 2-3 aydan bir qan verə bilər.

İlkin İzzət
Milli.Az

ŞƏRH YAZ



Загрузка...

Son xəbərlər



Copyright © 2015-2017 xebervar.com - Bütün hüquqlar Azərbaycan Respublikası qanunvericiliyinə əsasən qorunur.

Saytda yer alan informasiyadan istifadə etdikdə istinad mütləqdir.

Xəbər Uçurduruq

Sayt haqqında | Əlaqə